شعر | عارف ساسانی

گلیبسن آمما گلیب قالماسان نه فایداسی وار
بو کؤنلومون توزونو آلماسان نه فایداسی وار

گلیب آ سئوگی! کئچیرسن نه سس‌سمیرسیز سن
اورکلرین قاپی‌سین چالماسان نه فایداسی وار

سازام کی سؤزلريم اود توتدو قالدى قلبيمده
منى او قوينونا بير آلماسان نه فایداسی وار

یاواش یاواش اوخویاندا اورکده سؤزلريمى
اوزون خياللارا بير دالماسان نه فايداسى وار

فرشته‌لر گتیره لاب بهشتی دونیامیزا
منیم یانیمدا گلیب قالماسان نه فایداسی وار

عارف ساسانی