فولکلور | آتالار سؤزو (۱)

• ائل آرا آتالار سؤزو(۱)

• توپلایان : فاطمه محمدپور

 

ایکی قیرغی ساواشار، سئرچه‌یه دَن دوشر.

الی باغلی اولانین دؤگنی چوخ اولار.

ادب بازاردا ساتیلماز.

ال الی یووار، ال ده دؤنر اوزو یووار.

اوجوزدان باهاسی اولماز.

اؤز گؤزونده دیره‌یی گؤرمور، اؤزگه‌نین کینده توکو گؤرور.

اؤزو ییخیلان آغلاماز.

اوغرو پیشیک آغاج گؤرجک قاچار.

اؤلومدن باشقا هر شئیه چاره وار.

ایت موتالدان ال چکدی موتال ایتدن ال چکمیر.

ایتین آیاغیندان تیکان چیخاردیر.

ایش قالسا اوستونه قار یاغار.

ایشله‌ین دمیری پاس باسماز.

ایشی دوشنده آختارار، ایشیم دوشنده قووالار.

ایلان هر یئره ایری گدر، اوز یوواسینا دوز گدر.

ایلانین قویروغون آیاقلاماسان چالماز.

ائل گوجو، سئل گوجو.

ائله دانیشیر کی پیشمیش تویوغون گولمه‌غی گلیر.

ائله یئرده یاتماز کی آلتینا سو کئچه.

______