ودود دوستی

یولداش سئوگی‌دیر، نئیله‌مک اولار، یولداش! بوردا قارتال قاناد سالار، یولداش! سئوگی‌دیر، گؤرسه هئچ یورولمورسان، آیاق آلتدان یولو یولار، یولداش! بیر باخیش، بیر عؤمور تامارزی اورَک دئمه: دولماز گؤزون؛ دولار، یولداش! بوشالار دونیانین غمی ایچینه ایچینی سئوگی چیپچالار، یولداش! نه دئییم؟ عشقی گؤر، قیامتی گؤر هره اؤز دردینه قالار یولداش! _____

وَغَمله‌نیب باغیمیز ، گولمه‌ییر چمنلیک‌لر بنؤوشه بنده دوشوب ، یاسدا سولدو شنلیک‌لر داها گؤزه‌للیگین اؤلچوت داشی دئییل سئوگی بورا بزه‌ک بازاری ، گون- گون آرتیر اَنلیک‌لر ! نیگارلی گون‌لرینه گئت گووه‌ن ، کوراوغلو بابا ! داها نه سئوگی قالیبدیر نه ده اَرَنلیک‌لر یئتَن یئییر بو یئتیم تورپاغین یئسیر پایینی گؤزل …