کتاب تانیتیمی | دیوان حکیم هیدجی

دیوان حکیم هیدجی
(آثار ترکی و‌ فارسی حکیم ملا محمدعلی هیدجی)
[دیوان اشعار ترکی، دیوان فارسی، مثنوی دانشنامه، رساله‌ی دخانیه)
تصحیح، مقدمه و تحشیه: دکتر حسین محمدزاده صدیق
نشره حاضیرلایان: سعید موغانلی
ناشر: ساوالان ایگیدلری
یاشماق‌ سیرا‌کیتابلاری
وزیری، ۵۵۶ ص- بالک کاغیذی
تهران- قیش- ۱۳۹۹

معاصر چاغیمیزین بؤیوک فیلسوف و شاعیری #حکیم_هیدجی‌نین بوتون اثرلری بیر جیلدده، نفیس و سهوسیز بیر کیتاب کیمی دوکتور #صدیق جنابلاری‌نین ایللر زحمتی و امگی نتیجه‌سینده و #ساوالان انتشاراتی‌نین تشبثو ایله، #یاشماق‌_کیتابلاری‌نین سریالاریندان بیری کیمی یایینلاندی.
بو اثر، اصلینده بؤیوک حکیم و فیلسوفون دؤرد کیتابینی بیر یئرده احتیوا ائدیر.
تورکجه شعر دیوانی، دیوان اشعار فارسی، مثنوی دانشنامه و رساله‌ی دخانیه‌دن عیبارت اولان بو اثرین یوز صفحه‌یه یاخین مقدمه‌سینده شاعیرین حیاتی، شعر سبکی، تحصیلاتی، اثرلری، شاگیردلری و اونا یازیلان باخیشلارین اؤزتی، بؤیوک فیلسونون نشر اولان کیتابلاریندان و آذربایجان شعرینه بوراخدیغی ائتگی‌دن سؤز گئدیر.
سونرا سیرایلا تورک دیللی شعر دیوانی، فارسی دیوانی، مثنوی دانشنامه کیتابی و رساله‌ی دخانیه کیتابلاری سیرایلا گتیریلیب.
کیتابین سونوندا علاوه‌لر آدلی بؤلوم آرتیریلیب و نسخه فرقلری آچیقلانیب، اؤزل لغت‌لر و ترمین‌لر شرح وئریلیب، بوتون تورکجه دیواندا ایشله‌دیلن اصیل تورک سؤزلری آیریجا گتیریلیب، ادبی بزک‌لر آدیندا تشریح و هابئله دیواندا گئدن آتالار سؤزلری و دئییم‌لری آراشدیریلیب و ایضاح اولونوبدور. سونرا عربی عباره‌لر و آیه‌لر آچیلانیب، تورکجه-فارسجا چتین لغت‌لر تشریح اولوب‌ و سونوندا دقیق اعلام گتیریلیب و هابئله فلسفی-عرفانی اصطلاح‌لارین شرحی وئریلیب و نهایت شاعیردن بو‌ گونه کیمی نشر اولان کیتابلارین فوتوسو و کتابنامه‌سی ایله اثر سونا چاتیب.

*** اثرینده جیلدینده چاپ اولان شکیل، ایراندا بیرینجی تشیع دولتچیلیکی قوران، اولجایتو (سلطان محمد خدابنده)نین دوزلتدیردیگی «سلطانه گونبزی»نین اَن اوجا نقطه‌سینده یئرلشدیریلن «الله» سؤزودور. همن تصویر «#یاشماق_سیرا_کیتابلاری»نین باشلانغیجیندا «بسم‌الله» کیمی ایشله‌نیلیر.

@yashmaq تلگرام

آنلاین ساتیش: اینستاگرام
@savalan_igidlary
@yashmaq_book
@evdeal.ir

 

دیدگاهتان را بنویسید

نشانی ایمیل شما منتشر نخواهد شد.