شعر | مریم گؤزلى

گئت

بیلیرم دئسم ده قال، گئده‌جکسن
باری سون دفعه‌لیک گؤزۆمه باخ گئت
آرخانجا آغلاسام رحمین گلمه‌سین
قوشول گؤزلریمین یاشینا آخ گئت

آلین یازیسینا باش اَیمَک گرک
ایندی کی گئدیشین اولوب‌دور گرچک
آجیما سئوگیلیم، آجیما نئینک
هیجرانین اوخونو کؤکسۆمه تاخ گئت

حسرتین کؤنلۆمۆن ائوین ییخینجا
ایزینده گؤزۆمۆن یاشی آخینجا
ایاقین آلتیندا جانی چیخینجا
قایتار اۆرگیمی اؤزۆمه چیخ گئت

ایناندیم سئوگینه من باختی قارا
قالدی گؤزوم آغلار، اۆرگیم یارا
من بو درد اَلیندن گئده‌رم هارا ؟!
بو سنلی دۆنیامی باشیما ییخ گئت

سس‌سیز گئدیشین‌دیر دیندیریر منی
شاختالی باخیشین دوندورور منی
یانار اود اولسام‌ دا سؤندۆرۆر منی
بۆتۆن آنی‌لاری بیر به بیر یاخ گئت

 

_____

آراشدیرا بیلر سیز

بهزاد بیات فرد

شعر | بهزاد بیات فرد

• یاشام دویانمادیم یاشامین سارسیلان داریخماسینی تیکنمه‌دیم اؤزومه کیپریک آلتی باخماسینی دی‌کیم‌دئییب‌دی‌کی‌باخت اولدوزوم‌گؤی‌ایچره‌باتیب گودوکچویم کی …

باخیش

  1. چوخ گوزل و بیتگین شعر دی. بئلنجی شعرلرین اوخونماسی و یایلماسی دوغما ادبیاتیمیزی زنگین لشدیرر.قضیه نین عکسی ده البته صادق دیر

دیدگاهتان را بنویسید

نشانی ایمیل شما منتشر نخواهد شد.