شعر | سعید اودمان

سئوگی انقلاب_ینین انتحار نقطه‌سینی یاشاییرام.
غارت اوْلونموش بیر اؤلکه‌نین ساواشین.
غضب ایله یوموروق اوْلان اَل‌لرین وحشتین.
بیر اوشاغین یئره تؤکۆلن قانینین نیسکیلین.
من یازیق یالنیزام بو انقلاب_دا،
اۆره‌ییم “سنی سئویرم” دئییر،
تیتره‌ییب دؤیۆلۆر.
گؤزلریم شعار قوسور.
شعرلریم بیر گۆن سنی گؤرمه‌مک‌دن قوْرخور،
اَل‌لریم اَلینی ایتیرمک‌دن.
ایچیمده‌کی شاعیر اؤلۆم قوْخویور.
ایچیمده‌کی اوشاق اؤزۆن باتیریب.
ایچمده‌کی اؤزۆمۆن اَلی تیتره‌ییر.
بو نه قوْرخونج بیر سئوگی دیر!؟
بو نه انقلابی دیر!
بو نه ساواشی دیر!
بو نه یاشامی دیر!
سنسیزلیکدن قوْرخو بیلیرسن می نه‌دیر!؟
من سنی سئون گۆندن من اوْلموشام.
سنی سئون گۆندن فمنیست اوْلوب بۆتۆن قادینلاری سئومیشم.
سنین گؤزلرین مقدس تانری،
دوْداقلارین پیغمبر مؤجزه‌سی،
سؤزلرین ده عزرائیل بالتاسی دیر…
و سن اؤزۆن,
سئوگیلی اَفندی؛
سئوگینین یاساقلیغینین انتحار ایله بیرله‌شن نیسکیل‌لی انقلابی‌سان…

 

آراشدیرا بیلر سیز

شعر | عارف ساسانی

  گلیبسن آمما گلیب قالماسان نه فایداسی وار بو کؤنلومون توزونو آلماسان نه فایداسی وار …

باخیش

  1. Im very happy to find this web site. I want to to thank you for ones time just for this fantastic read!! I definitely appreciated every part of it and i also have you saved as a favorite to see new information in your blog.

دیدگاهتان را بنویسید

نشانی ایمیل شما منتشر نخواهد شد.