شعر | ودود دوستی

وَغَمله‌نیب باغیمیز ، گولمه‌ییر چمنلیک‌لر
بنؤوشه بنده دوشوب ، یاسدا سولدو شنلیک‌لر

داها گؤزه‌للیگین اؤلچوت داشی دئییل سئوگی
بورا بزه‌ک بازاری ، گون- گون آرتیر اَنلیک‌لر !

نیگارلی گون‌لرینه گئت گووه‌ن ، کوراوغلو بابا !
داها نه سئوگی قالیبدیر نه ده اَرَنلیک‌لر

یئتَن یئییر بو یئتیم تورپاغین یئسیر پایینی
گؤزل گلیر جاناوار گؤیلونه بو چَنلیک‌لر

بیر آز دا هئی شیشیریک بیز ، بیر آز دا هئی شیشیریک !
بیزی أَییب بو یالاندان دوزه‌لتمه منلیک‌لر !

دکتر ودود دوستی (ایلقار)