شعر | یعقوب نامی

هاوانین پست قوطوسوندا
منه گلن گونده لیک لردن
ساختا بنزری لردن پاییم
یالنیز قار دنه لری ایدی بو آخشام
گونشین دنیزدن چالدیغی اینجی لر
من دن چکیلن آیاقلارین
آرخاسینجا سوزولن گؤز یاشلاری ساندیم اونلاری
ایلگینج، هر ایکیسی ایلگینج
بو غریبه، بوتون دلیک-دئشیکلردن سوخولان دونیادا
شاشیرماغا یئر قالماییب داها
تک امجک لی خانیملار
تپه گؤز بئی افندیلر
کارلیقیندا بئش قولاقلی قونشوموز
چولاقلیقیندا دووارلارا دیرماشان محله گوذارچیسی
نه یینه شاشیریم آخی قار دنه سینین!
ایچینین بوشلوغوندان، منی زینجیرله ین گونلوک قوطوسونو باغلاییرام
یورغونلوغوم گؤزلریمه پناه گتیریر
ازلدن بللی ایدی گونشین سوچسوزلوغو
گؤزلرین اؤزلم بولودلو باخیشلاری.
سن دئمه او قار دنه لری
هاوادان گؤندریلن چیچکلر ایمیش
حیاتین آجیماسیزلیگیندن،
اللری کَسَن سازاغیندان بو گونه گلمیش صوراتلاری.
اونلاری بیر گؤیرچین دیمدیگینده یوللاسایدیلار
بلکه ده، گله جه یه
چیچک تاکسیدرمیسی بئینیمی قازمازدی ایندی دن
گؤزلریمی آچیرام
یئنی بیر مئساژ اویویور قوطودا
-گلمه لی سن، اؤزوده تدارک لی
.
.
پنجره میزدن هله ده قار یاغیر شَهَره
کوچه میزده منی گؤزله ییر سئرچه لر
اونلاردان گؤز اولماق گرک.
قارقالارین یوخولاری آلیز دوشوب یئنه ده
آغاجلاری سیلکه له ییرلر هؤوشنه دن.

_____

آراشدیرا بیلر سیز

بهزاد بیات فرد

شعر | بهزاد بیات فرد

• یاشام دویانمادیم یاشامین سارسیلان داریخماسینی تیکنمه‌دیم اؤزومه کیپریک آلتی باخماسینی دی‌کیم‌دئییب‌دی‌کی‌باخت اولدوزوم‌گؤی‌ایچره‌باتیب گودوکچویم کی …

باخیش

  1. تشککورلر زنگین یول امکداشلارینا.ساغ اولاسیز

دیدگاهتان را بنویسید

نشانی ایمیل شما منتشر نخواهد شد.